Rafn Frank­lín notar alls­kyns trix til að sofa betur

Hann teipar á sér munninn til að hjálpa við svefnvandamál. Notar mp3 spilara með ljósum til að lýsa inn í heila til að slá á skammdegisþunglyndi og notar einnig einföld nýtísku mælingatæki til að fylgjast með heilsunni.

Vala Matt hitti Rafn í Íslandi í dag á Stöð 2 í gærkvöldi og fór hann yfir nokkur tæki sem hann notar til að bæta svefninn.

Rafn var einnig að gefa út heilsubókina Borðum betur þar sem hann er meðal annars mjög gagnrýninn og djarfur og þar talar hann einnig um það hvernig við þurfum að skoða hvað kynslóðirnar á undan okkur borðuðu. Í bókinni fer hann einnig yfir hvað sé hollt og óhollt í nútímafæði.

Hér að neðan má sjá brot úr þættinum í gær.