Þriðji sigur Börsunga í röð

Antoine Griezmann kom Börsungum á bragðið á 12. mínútu og lagði síðan upp mark fyrir Lionel Messi á 35. mínútu. Messi bætti síðan við öðru marki sínu og þriðja marki Barca á 42. mínútu.

Það var síðan Griezmann sem innsiglaði sigurinn með sínu öðru marki í leiknum á 63. mínútu. Jesus Vallejo í liði Granada fékk síðan að líta rauða spjaldið á 78. mínútu.

Þriðji sigur Katalóníumanna í röð staðreynd og eru þeir nú í 3. sæti með 34 stig, fjórum stigum á eftir toppliði Atlético Madrid, en Madrídingar eiga reyndar þrjá leiki til góða á Börsunga. Granada er í 7. sæti með 24 stig.