Engin draumabyrjun Pochettino

Pochettino var ráðinn þjálfari PSG í síðustu viku en hann tekur við liðinu af Thomas Tuchel sem var rekinn eftir að hafa unnið frönsku úrvalsdeildina og komið liðinu í úrslitaleik Meistaradeildarinnar.

Á nítjándu mínútu kom Saint-Etienne yfir. Markið skoraði Romain Hamouma en lánsmaðurinn frá Everton, Moise Kean, jafnaði metin þremur mínútum síðar. 1-1 í hálfleik.

Ekkert mark var skorað í síðari hálfleik og lokatölur því 1-1.

PSG er í öðru sæti deildarinnar með 36 stig, þremur stigum á eftir toppliði Lyon, en Saint-Etienne er í fjórtánda sætinu með nítján stig.