Fótbolti

Pochettino tekinn við PSG

Anton Ingi Leifsson skrifar
Pochettino er mættur til Frakklands.
Pochettino er mættur til Frakklands. Srdjan Stevanovic/getty

Mauricio Pochettino hefur verið ráðinn þjálfari frönsku meistaranna í PSG. Hann tekur við af Thomas Tuchel og hefur skrifað undir samning til júnímánaðar 2022, með möguleika á árs framlengingu.

Pochettino spilaði með félaginu á árunum 2001 til 2003 en hann hefur ekki þjálfað síðan hann var rekinn frá Tottenham í nóvember 2019.

PSG er í þriðja sæti frönsku úrvalsdeildarinnar og mæta Barcelona í 16 liða úrslitum Meistaradeildarinnar í febrúar og mars.

Fyrsta æfing Pochettino með PSG verður á morgun en hann er einungis annar þjálfari PSG sem kemur ekki frá Evrópu.

Áður hafði Pochettino þjálfað hjá Espanyol og Southampton en hann kom Tottenham meðal annars í úrslitaleik Meistaradeildarinnar.

Franski boltinn

Mest lesið


Fleiri fréttir

Sjá meira


×

Mest lesið