Yfir 10.000 fallið frá á Spáni

Yfir tíu þúsund manns hafa nú látist af völdum kórónuveirunnar á Spáni. Tilkynnt var um yfir 900 dauðsföll af völdum veirunnar síðasta sólarhringinn. BBC greinir frá.

Spánn hefur farið illa út úr faraldrinum en samkvæmt tölum frá Johns Hopkins háskólanum í Baltimore hafa 110.238 manns smitast af veirunni og er það bara í Bandaríkjunum og á Ítalíu þar sem fleiri hafa smitast. Þá er það eingöngu á Ítalíu þar sem fleiri hafa látið lífið eftir að hafa smitast

Þá hefur atvinnulífið á Spáni hlotið þung högg en talið er að yfir 900 þúsund manns hafi misst vinnuna vegna faraldursins.