SAS segir upp 40 prósent starfs­fólks

Skandinavíska flugfélagið SAS hyggst segja upp fimm þúsund starfsmönnum að því er fram kemur í tilkynningu frá félaginu. Er þetta gert sökum ástandsins í heiminum vegna kórónuveirunnar.

Í tilkynningunni segir að um sé að ræða 1.900 starfsmenn í fullu starfi í Svíþjóð, 1.700 í Danmörku og um 1.300 í Noregi. Uppsagnirnar nema um 40 prósentum af heildarstarfsmannafjölda fyrirtækisins.

Rickard Gustafson, forstjóri fyrirtækisins, segir að flugfélagið standi frammi fyrir fordæmalausum veruleika sem muni hafa afleiðingar ekki bara næstu mánuði, heldur einnig næstu árin.

Flugfélagið hefur fækkað verðum gríðarlega síðustu mánuði og hefur einungis verið að fljúga innan Noregs og Svíþjóðar.