Segja að ummæli Klopp hafi farið í taugarnar á Mane

Franskir fjölmiðlar greina frá því að Sadio Mane, framherji Liverpool, hafi ekkert verið alltof sáttur með það að Jurgen Klopp stjóri liðsins hafi verið á því að Virgil van Dijk hefði átt að vinna Gullboltann á síðustu leiktíð.

Mane var sjóðandi heitur á síðustu leiktíð og skoraði hann 26 mörk á leiktíðinni. Hann átti stóran þátt í að liðð varð Evrópumeistari og endaði í 2. sæti eftir magnaða baráttu við Manchester City um Englandsmeistaratitilinn.

Klopp sagði í desember að það væri rétt ef Virgil van Dijk yrði kosinn leikmaður ársins og er það talið hafa farið í taugarna á Mane sem var ekkert of sáttur með að sá þýski hafi verið að styðja Hollendinginn í stað Mane.

Mane endaði í 4. sæti í baráttunni um Gullboltann en hann var á eftir þeim Lionel Messi, van Dijk og Cristiano Ronaldo. Mane hefur verið orðaður við Real Madrid að undanförnu en það er talið eina félagið sem hann myndi yfirgefa Liverpool fyrir.