KKÍ hefur sett skemmtilegan leik á laggirnar á tímum samkomubanns en þar hefur verið svokölluð boltaspuna-áskorun í gangi þar sem fólk á öllum aldri er hvatt til þess að taka þátt. Þetta er ein þraut af mörgum sem KKÍ hyggst koma fram með á næstu dögum og vikum.
Kjartan Atli Kjartansson, einn þáttarstjórnanda Sportsins í dag, fékk áskorun frá Justin Shouse, fyrrum leikmanni Stjörnunnar og Snæfells, um að taka áskorunina og hann tók henni í beinni.
Minnum alla á að skila inn sínum myndböndum í síðasta lagi á morgun þri. 22. apr.
— KKÍ (@kkikarfa) April 20, 2020
Merkja okkur @kkikarfa og með #korfubolti og #boltaspuni til að taka þátt! (FB eða Twitter).
Næsta keppni hefst svo á morgun!
Sjá nánari upplýsingar hér: https://t.co/KEyo0RrN1S pic.twitter.com/XL8Yts5BqF
Eftir viðtal við Snorra Örn Arnaldsson, starfsmanns KKÍ, þar sem hann hvatti fólk til þess að vera frumlegt í spunanum ákváðu þeir félagar, Kjartan og Henry Birgir Gunnarsson, að prufa spunann á kollinum á Henry.
Sjón er sögu ríkari en innslagið má sjá hér að neðan.
Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.
