Leik­menn og þjálfara­t­eymi Arsenal taka á sig launa­lækkun

Leikmenn og þjálfarateymi Arsenal hafa ákveðið að taka á sig launalækkun vegna kórónuveirunnar en þetta var staðfest nú síðdegis.

Fréttir höfðu borist af því að leikmennirnir hefðu verið beðnir um að taka á sig launalækkun fyrir nokkrum vikum og þeir myndu svo veglegan bónus ef þeir myndu ná Meistaradeildarsæti.

Það fylgir þó ekki sögunni hvort að þetta samkomulag hafi verið samþykkt en í fréttinni kemur fram að leikmenn og þjálfarateymið taki á sig 12,5% launalækkun.

Arsenal er í 9. sæti enska boltans sem nú er stopp vegna kórónuveirunnar en liðið er átta stigum á eftir Meistaradeildarsæti.