Dag­skráin í dag: Bikar­úr­slita­leikir, körfu­bolta­veisla og raf­í­þróttir

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Á Stöð 2 Sport er farið um víðan völl. Dagurinn hefst á fjórum handboltaleikjum frá úrslitakeppninni í Olís-deild karla og kvenna á síðasta ári áður en rifjaðir eru upp þrír Meistaradeildarleikir frá síðustu þremur leiktíðum.

Úrslitaleikur Borgunarbikarsins árið 2014 í karlaflokki og úrslitaleikur Borgunarbikar kvenna árið 2013 fylgja í kjölfarið á Sportinu í dag og fleiri bikarúrslitaleikir eru svo á dagskránni er líða fer á kvöldið.

Stöð 2 Sport 2

Á Stöð 2 Sport 2 er körfubolti frá morgni fram á kvöld. Frábærir leikir KR og Tindastóls sem og Grindavíkur og KR í karlaflokki sem og leikir Keflavíkur og Snæfells og Hauka og Snæfells í kvennaflokki.

Stöð 2 Sport 3

Bikarveislan í fótbolta heldur áfram á Stöð 2 Sport 3 þar sem er sýnt frá undanúrslitum bikarsins og úrslitaleikjum síðustu ára, bæði í karla og kvennaflokki. Síðasti bikartitill Fram í karlaflokki og Stjörnunnar í kvennaflokki er meðal annars til sýningar.

Stöð 2 eSport

Rafíþróttirnar eiga hug Stöð 2 Sport eSport eins og nafnið gefur til að kynna. Sýnt er bæði frá Counter Strike sem og leik Fylkis og Þórs í Vodafone-deildinni.

Stöð 2 Golf

The Players meistaramótið er fyrirferðamikið á Stöð 2 Golf í dag. Sýnt verður frá lokadeginum á mótunum sem fóru fram 2017 og 2017.