Bubbi búinn að selja fyrir rúmar tuttugu milljónir á fimm dögum Kolbeinn Tumi Daðason skrifar 5. desember 2020 21:45 Óhætt er að segja að visst Bubba æði hafi gripið landann. Á sjöunda hundrað manns hafa keypt verk hans undanfarna fimm daga. Vísir/Vilhelm Óhætt er að segja að sala á textaverkum Bubba Morthens gangi vel. Um er að ræða textaverk af frumtextum Bubba sem seld eru ýmist í lit eða svart-hvítu og í takmörkuðu upplagi. Bubbi hefur selt á sjöunda hundrað verk síðan sala hófst þann 1. desember. Umboðsmaður Bubba reiknar með að verkin seljist upp á næstunni. „Þetta er langt fram úr því sem við reiknuðum með,“ segir Páll Eyjólfsson umboðsmaður. Alls konar fólk kaupi verkin enda sé Bubbi svo mikill þverskurður af þjóðfélaginu. Bubbi.is hafi verið breytt í vefverslun og þar streyma verkin út. Talning Vísis í kvöld á fjölda seldra verka nam 621. Sextán verkanna eru í lit og eru 25 eintök í boði. Tíu eru í svört-hvítu og eru 50 eintök í boði. Reyndar eru alls ekkert öll verkin lengur í boði enda ellefu verk uppseld. Ekki verða prentuð fleiri eintök. Frumtexti úr Rómeó og Júlíu, einu vinsælasta verki Bubba. „Fólk er svo ánægt með það, að þetta verði ekki eitthvað sem verður fjöldaframleitt,“ segir Páll. Útreikningar Vísis benda til þess að Bubbi hafi selt listaverk sín fyrir rúmar 23 milljónir króna á fimm dögum sem hlýtur að teljast ansi vel heppnað. Ekki síst í ljósi þess að tekjumöguleikar listamanna hafa verið afar litlir á þessu ári sökum kórónuveirufaraldursins. „Neyðin kennir nöktum Bubba að spinna. Það er bara svoleiðis!“ sagði Bubbi á léttum nótum í vikunni. Fann gamlar stílabækur „Fyrir nokkrum vikum var ég í tiltekt heima fyrir og fann nokkrar gamlar stílabækur. Ég var fljótur að átta mig á því að þetta voru frumútgáfur af textum sem ég hafði samið í upphafi ferils míns sem tónlistarmaður og lagahöfundur, frá árinu 1975 til bókar sem ég skrifaði í á meðan ég dvaldi á Staðarfelli 1985,“ segir Bubbi um tilurð verksins á heimasíðunni Bubbi.is. „Textarnir og hugleiðingar mínar frá þessum tíma lifnuðu við og töluðu til mín. Ég tók þá ákvörðun að útbúa textaverk í takmörkuðu upplagi, þar sem frumtextinn eins og ég skrifaði hann með eigin hendi í upphafi, er notaður í verkið.“ Bubbi ræddi verkin í viðtali við fréttastofu þann 1. desember. Þar sagði hann of mikla fordóma vera í samfélaginu gagnvart skrifblindum. Hann hvatti fólk til að óttast ekkert og leyfa náðargáfunni að skína. Þannig er að finna ýmsar málfræðivillur í frumtextum Bubba sem birtast á textaverkunum. Frumtextarnir urðu vitanlega að lögum sem landinn hefur sungið áratugum saman. „Málið er orðið þannig að fólk er haldið málótta of fólk þorir ekki að skrifa. Og ef það er að tala þá er það svo hrætt um að gera einhver mistök, beygi einhverjar setningar vitlaust og það sem gerist er það að þú ert tekinn niður. Enn í dag ertu tekinn niður yfir því hvernig þú talar eða hvernig þú skrifar. Þetta er svo galið.“ Stígið fram, verið óhrædd! Bubbi segist nánast daglega fá athugasemdir út á skrif sín á netinu. Bubbi á forsíðu Samúel í október 1981. Ljósmynd eftir Björgvin Pálsson. Plakatið fyrir Níu líf í Borgarleikhúsinu var unnið eftir mynd Björgvins. „Það er hópur þarna úti sem þorir ekki að skrifa, hefur verið að glíma við skrifblinduna og allt þetta. Ég segi bara: Stígið þið fram. Skapið. Verið óhrædd. Skrifið með hjartanu og við munum skilja ykkur.“ Hann viðurkennir að hann hefði líklega ekki farið út í þessa vinnu ef hann hefði fengið að sinna tónlistinni meira undanfarið ár. Þá náðist aðeins að sýna þrisvar söngleikinn Níu líf í Borgarleikhúsinu sem fjallar um Bubba. „Ég veit það er fólk þarna úti sem er stútfullt af hæfileikum og hefur ekki þorað að koma fram. Stígið fram. Skrifið, semjið. Geggjað.“ Fram undan eru Þorláksmessutónleikar Bubba þann 23. desember sem að þessu sinni verða í streymi í sjónvarpinu. Miðinn kostar tvö þúsund krónur og hægt verður að kaupa aðgang á myndlyklum sjónvarpsstöðvanna. Myndlist Tónlist Mest lesið Telur Sweeney hafa verið blekkta í kjólinn Tíska og hönnun Atli Steinn fann ástina á ný Lífið „Síðasta flugtak“ Play í Gamla bíói Lífið Fundin eftir sjö vikur á vergangi: „Takk hver sem þú ert“ Lífið „Lélegur í að fela hvernig mér líður og bera harm minn í hljóði“ Tónlist Steingleymdi að taka niður sólgleraugun Lífið Már Gunnars genginn út Lífið Ískyggilega líkur ofurfyrirsætu: „Ég er með píku“ Lífið Stjörnurnar skinu skært á sögulegum sjónvarpsverðlaunum Lífið Vaktin: Sjónvarpsmenn verðlauna hver annan á ný Bíó og sjónvarp Fleiri fréttir Heillandi raðhús Evu Maríu og Trausta til sölu Nýr skemmti- og spjallþáttur á Sýn Fundin eftir sjö vikur á vergangi: „Takk hver sem þú ert“ Fresta hrekkjavöku til að tryggja öryggi lítilla skrímsla Stjörnurnar skinu skært á sögulegum sjónvarpsverðlaunum Atli Steinn fann ástina á ný „Síðasta flugtak“ Play í Gamla bíói Már Gunnars genginn út Verk Þórdísar Erlu munu prýða auglýsingaskilti borgarinnar Steingleymdi að taka niður sólgleraugun Hvenær má byrja að spila jólalög? Stílhrein og stílíseruð útsýnisíbúð við Heiðmörk Ískyggilega líkur ofurfyrirsætu: „Ég er með píku“ „Get ekki gengið óstudd og framundan er mikil endurhæfing“ Ótrúlegur bílskúr Hönnu Rúnar: „Hvar ertu?“ Lét flúra brúðkaupsdaginn á sig en gerði mistök Sviti, mjólk og hóstakast eftir að hafa manað hvor annan Yfir 170 góðgerðafélög hlutu styrk í áheitasöfnun Reykjavíkurmaraþons Sigurjón og Sóley gjörbreyttu eldhúsinu með einstakri útkomu „Alvöru“ jólasveinn gisti á Hótel Rangá Fasteignasalar og ofurskvísur í Októberfest stemningu Eitt glæsilegasta hús Reykjavíkur til sölu „Þetta er það fallegasta sem einhver hefur sagt um mig“ Hvað þýðir „six-seven“? Smáforrit til að deila heimilisverkum: „Fæ þrjú stig fyrir að þurrka af á heimilinu“ Kynslóðabilið kom í ljós þegar umræðan beindist að blautbolakeppni Ljúffengar banana- og kakóbollakökur í nestisboxið Troðningur á yfirfullri opnun: „Þetta var svolítið kreisí“ Pétur Kr. og Ingibjörg selja 270 fermetra eign við Ægisíðu Barist upp á líf og dauða Sjá meira
„Þetta er langt fram úr því sem við reiknuðum með,“ segir Páll Eyjólfsson umboðsmaður. Alls konar fólk kaupi verkin enda sé Bubbi svo mikill þverskurður af þjóðfélaginu. Bubbi.is hafi verið breytt í vefverslun og þar streyma verkin út. Talning Vísis í kvöld á fjölda seldra verka nam 621. Sextán verkanna eru í lit og eru 25 eintök í boði. Tíu eru í svört-hvítu og eru 50 eintök í boði. Reyndar eru alls ekkert öll verkin lengur í boði enda ellefu verk uppseld. Ekki verða prentuð fleiri eintök. Frumtexti úr Rómeó og Júlíu, einu vinsælasta verki Bubba. „Fólk er svo ánægt með það, að þetta verði ekki eitthvað sem verður fjöldaframleitt,“ segir Páll. Útreikningar Vísis benda til þess að Bubbi hafi selt listaverk sín fyrir rúmar 23 milljónir króna á fimm dögum sem hlýtur að teljast ansi vel heppnað. Ekki síst í ljósi þess að tekjumöguleikar listamanna hafa verið afar litlir á þessu ári sökum kórónuveirufaraldursins. „Neyðin kennir nöktum Bubba að spinna. Það er bara svoleiðis!“ sagði Bubbi á léttum nótum í vikunni. Fann gamlar stílabækur „Fyrir nokkrum vikum var ég í tiltekt heima fyrir og fann nokkrar gamlar stílabækur. Ég var fljótur að átta mig á því að þetta voru frumútgáfur af textum sem ég hafði samið í upphafi ferils míns sem tónlistarmaður og lagahöfundur, frá árinu 1975 til bókar sem ég skrifaði í á meðan ég dvaldi á Staðarfelli 1985,“ segir Bubbi um tilurð verksins á heimasíðunni Bubbi.is. „Textarnir og hugleiðingar mínar frá þessum tíma lifnuðu við og töluðu til mín. Ég tók þá ákvörðun að útbúa textaverk í takmörkuðu upplagi, þar sem frumtextinn eins og ég skrifaði hann með eigin hendi í upphafi, er notaður í verkið.“ Bubbi ræddi verkin í viðtali við fréttastofu þann 1. desember. Þar sagði hann of mikla fordóma vera í samfélaginu gagnvart skrifblindum. Hann hvatti fólk til að óttast ekkert og leyfa náðargáfunni að skína. Þannig er að finna ýmsar málfræðivillur í frumtextum Bubba sem birtast á textaverkunum. Frumtextarnir urðu vitanlega að lögum sem landinn hefur sungið áratugum saman. „Málið er orðið þannig að fólk er haldið málótta of fólk þorir ekki að skrifa. Og ef það er að tala þá er það svo hrætt um að gera einhver mistök, beygi einhverjar setningar vitlaust og það sem gerist er það að þú ert tekinn niður. Enn í dag ertu tekinn niður yfir því hvernig þú talar eða hvernig þú skrifar. Þetta er svo galið.“ Stígið fram, verið óhrædd! Bubbi segist nánast daglega fá athugasemdir út á skrif sín á netinu. Bubbi á forsíðu Samúel í október 1981. Ljósmynd eftir Björgvin Pálsson. Plakatið fyrir Níu líf í Borgarleikhúsinu var unnið eftir mynd Björgvins. „Það er hópur þarna úti sem þorir ekki að skrifa, hefur verið að glíma við skrifblinduna og allt þetta. Ég segi bara: Stígið þið fram. Skapið. Verið óhrædd. Skrifið með hjartanu og við munum skilja ykkur.“ Hann viðurkennir að hann hefði líklega ekki farið út í þessa vinnu ef hann hefði fengið að sinna tónlistinni meira undanfarið ár. Þá náðist aðeins að sýna þrisvar söngleikinn Níu líf í Borgarleikhúsinu sem fjallar um Bubba. „Ég veit það er fólk þarna úti sem er stútfullt af hæfileikum og hefur ekki þorað að koma fram. Stígið fram. Skrifið, semjið. Geggjað.“ Fram undan eru Þorláksmessutónleikar Bubba þann 23. desember sem að þessu sinni verða í streymi í sjónvarpinu. Miðinn kostar tvö þúsund krónur og hægt verður að kaupa aðgang á myndlyklum sjónvarpsstöðvanna.
Myndlist Tónlist Mest lesið Telur Sweeney hafa verið blekkta í kjólinn Tíska og hönnun Atli Steinn fann ástina á ný Lífið „Síðasta flugtak“ Play í Gamla bíói Lífið Fundin eftir sjö vikur á vergangi: „Takk hver sem þú ert“ Lífið „Lélegur í að fela hvernig mér líður og bera harm minn í hljóði“ Tónlist Steingleymdi að taka niður sólgleraugun Lífið Már Gunnars genginn út Lífið Ískyggilega líkur ofurfyrirsætu: „Ég er með píku“ Lífið Stjörnurnar skinu skært á sögulegum sjónvarpsverðlaunum Lífið Vaktin: Sjónvarpsmenn verðlauna hver annan á ný Bíó og sjónvarp Fleiri fréttir Heillandi raðhús Evu Maríu og Trausta til sölu Nýr skemmti- og spjallþáttur á Sýn Fundin eftir sjö vikur á vergangi: „Takk hver sem þú ert“ Fresta hrekkjavöku til að tryggja öryggi lítilla skrímsla Stjörnurnar skinu skært á sögulegum sjónvarpsverðlaunum Atli Steinn fann ástina á ný „Síðasta flugtak“ Play í Gamla bíói Már Gunnars genginn út Verk Þórdísar Erlu munu prýða auglýsingaskilti borgarinnar Steingleymdi að taka niður sólgleraugun Hvenær má byrja að spila jólalög? Stílhrein og stílíseruð útsýnisíbúð við Heiðmörk Ískyggilega líkur ofurfyrirsætu: „Ég er með píku“ „Get ekki gengið óstudd og framundan er mikil endurhæfing“ Ótrúlegur bílskúr Hönnu Rúnar: „Hvar ertu?“ Lét flúra brúðkaupsdaginn á sig en gerði mistök Sviti, mjólk og hóstakast eftir að hafa manað hvor annan Yfir 170 góðgerðafélög hlutu styrk í áheitasöfnun Reykjavíkurmaraþons Sigurjón og Sóley gjörbreyttu eldhúsinu með einstakri útkomu „Alvöru“ jólasveinn gisti á Hótel Rangá Fasteignasalar og ofurskvísur í Októberfest stemningu Eitt glæsilegasta hús Reykjavíkur til sölu „Þetta er það fallegasta sem einhver hefur sagt um mig“ Hvað þýðir „six-seven“? Smáforrit til að deila heimilisverkum: „Fæ þrjú stig fyrir að þurrka af á heimilinu“ Kynslóðabilið kom í ljós þegar umræðan beindist að blautbolakeppni Ljúffengar banana- og kakóbollakökur í nestisboxið Troðningur á yfirfullri opnun: „Þetta var svolítið kreisí“ Pétur Kr. og Ingibjörg selja 270 fermetra eign við Ægisíðu Barist upp á líf og dauða Sjá meira