Börn á meðal hinna látnu eftir árás í Peshawar

Að minnsta kosti sjö eru látnir eftir að öflug sprengja sprakk í trúarlegum skóla í Pakistan í nótt. Börn á breiðu aldursbili eru á meðal hinna látnu að því er segir í umfjöllun BBC um málið en tugir fleiri eru sárir. 

Árásin var gerð í norðurhluta landsins, í borginni Peshawar og enginn hópur eða samtök hafa lýst ábyrgð árásarinnar á hendur sér. 

Mikil ólga hefur verið í Peshawar síðustu ár en þar eru Talíbanar atkvæðamiklir. Fyrir sex árum réðust vopnaðir menn inn í herskóla í borginni og myrtu 150 manns, og þar af fjölda barna.