Ótrúlegur hæfileiki Matta Matt: Talar og syngur aftur á bak

„Þetta er í alvörunni! Hann getur talað aftur á bak,“ sagði Ingó Veðurguð um söngvarann Matta Matt síðasta föstudagskvöld.

Í kjölfarið þuldi Ingó upp setningar sem Matti flutti svo aftur á bak án þess að taka sér tíma í að hugsa.

„Það sem ég óttast mest með þennan hæfileika er að það á enginn eftir að muna eftir söngvaranum Matta Matt,“ sagði Matti og uppskar mikinn hlátur úr sal. 

Eftir að þylja upp þónokkrar setningar aftur á bak endar hann á því að syngja gamlan lagstúf sem margir ættu að kannast við frá áttunda áratugnum. Gömlu Toro-auglýsinguna. 

Í næsta þætti af Í kvöld er gigg verður sannkölluð aldamótastemmning. Gestir þáttarins eru engir aðrir en poppstjörnurnar Birgitta Haukdal, Hreimur Örn og Gunni Óla. 

Þátturinn er á dagskrá Stöðvar 2 eftir kvöldfréttir kl. 18:50.