Ísland styrkir baráttuna gegn barnahjónaböndum í Malaví Heimsljós 12. október 2020 11:25 Gunnisal Nauðungarhjónaböndum barnungra stúlkna og þungunum unglingsstúlkna, sérstaklega stúlkna yngri en fimmtán ára, hefur fækkað á síðustu árum. Þessar framfarir hafa stöðvast á tímum kórónaveirunnar. Nú fjölgar á ný hjónaböndum þar sem ungar stúlkur eru þvingaðar til að giftast, oft miklu eldri mönnum, og fleiri barnungar stúlkur verða barnshafandi. Í gær, á alþjóðlegum degi stúlkubarnsins, var meðal annars vakin athygli á þessar afturför sem orðið hefur víða í heiminum í réttindamálum stúlkna. Í Malaví, samstarfsríki Íslendinga í tvíhliða þróunarsamvinnu, hefur meðal annars með stuðningi Íslands verið unnið að því að sporna gegn barnahjónaböndum á síðustu árum og á dögunum veitti utanríkisráðuneytið UN Women í Malaví 27 milljóna króna styrk í þeirri baráttu. „Þvinguð hjónabönd barnungra stúlkna eru enn of algeng í Malaví en mikilvægar framfarir hafa átt sér stað á undanförnum árum, lagabreytingar sem banna hjónabönd undur átján ára aldri og samfélagsviðhorf eru að breytast. Því er þessi stuðningur við UN Women í Malaví mikilvægur til að sporna við bakslagi í þessum málaflokki vegna COVID,“ segir Inga Dóra Pétursdóttir forstöðumaður íslenska sendiráðsins í Lilongve. Á síðustu vikum, við upphaf skólaársins, hafa margar unglingsstúlkur ekki snúið til baka í skólann. Ráðuneyti jafnréttismála Malaví birti nýja könnun á dögunum sem sýnir uggvænlega fjölgun barnshafandi unglingsstúlkna og barnahjónabanda á tímum farsóttarinnar. Í Mangochi, helsta samstarfshéraði Íslands, eru til dæmis skráð tæplega sex þúsund barnahjónabönd það sem af er ári. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Malaví Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Sá blóðugan mann hlaupa út og árásarmanninn á eftir honum Innlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Stytta þurfi sumarfrí barna um að lágmarki tvær vikur Innlent Skólamál í Kópavogi: Bókun eftir bókun á fundi bæjarstjórnar Innlent Menningarráðherra skipaði son heilbrigðisráðherra í formannsstörf Innlent
Nauðungarhjónaböndum barnungra stúlkna og þungunum unglingsstúlkna, sérstaklega stúlkna yngri en fimmtán ára, hefur fækkað á síðustu árum. Þessar framfarir hafa stöðvast á tímum kórónaveirunnar. Nú fjölgar á ný hjónaböndum þar sem ungar stúlkur eru þvingaðar til að giftast, oft miklu eldri mönnum, og fleiri barnungar stúlkur verða barnshafandi. Í gær, á alþjóðlegum degi stúlkubarnsins, var meðal annars vakin athygli á þessar afturför sem orðið hefur víða í heiminum í réttindamálum stúlkna. Í Malaví, samstarfsríki Íslendinga í tvíhliða þróunarsamvinnu, hefur meðal annars með stuðningi Íslands verið unnið að því að sporna gegn barnahjónaböndum á síðustu árum og á dögunum veitti utanríkisráðuneytið UN Women í Malaví 27 milljóna króna styrk í þeirri baráttu. „Þvinguð hjónabönd barnungra stúlkna eru enn of algeng í Malaví en mikilvægar framfarir hafa átt sér stað á undanförnum árum, lagabreytingar sem banna hjónabönd undur átján ára aldri og samfélagsviðhorf eru að breytast. Því er þessi stuðningur við UN Women í Malaví mikilvægur til að sporna við bakslagi í þessum málaflokki vegna COVID,“ segir Inga Dóra Pétursdóttir forstöðumaður íslenska sendiráðsins í Lilongve. Á síðustu vikum, við upphaf skólaársins, hafa margar unglingsstúlkur ekki snúið til baka í skólann. Ráðuneyti jafnréttismála Malaví birti nýja könnun á dögunum sem sýnir uggvænlega fjölgun barnshafandi unglingsstúlkna og barnahjónabanda á tímum farsóttarinnar. Í Mangochi, helsta samstarfshéraði Íslands, eru til dæmis skráð tæplega sex þúsund barnahjónabönd það sem af er ári. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Malaví Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Sá blóðugan mann hlaupa út og árásarmanninn á eftir honum Innlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Stytta þurfi sumarfrí barna um að lágmarki tvær vikur Innlent Skólamál í Kópavogi: Bókun eftir bókun á fundi bæjarstjórnar Innlent Menningarráðherra skipaði son heilbrigðisráðherra í formannsstörf Innlent