Landsþingi Viðreisnar frestað vegna kórónuveirunnar

Stjórn Viðreisnar hefur tekið ákvörðun um að landsþingi flokksins, sem fyrirhugað var dagana 14. og 15. mars verði frestað vegna þeirrar óvissu sem skapast hefur vegna kórónuveirunnar hér á landi. Þingið átti að fara fram á Grand Hotel Reykjavík.

Sex tilfelli kórónuveirunnar hafa greinst hér á landi og eiga öll hin smituðu það sameiginlegt að hafa dvalið á Ítalíu en landið allt hefur nú verið skilgreint sem sérstakt áhættusvæði vegna smithættu.

Í tilkynningu Viðreisnar segir að stefnt verði á að landsþingið fari fram næsta haust. Á næstunni mun þó fara fram vefþing sem Þorgerður K. Gunnarsdóttir, formaður Viðreisnar, og Þorsteinn Víglundsson varaformaður munu leiða. Á vefþingi mun verður þeirri vinnu sem unnin hefur verið til undirbúnings landsþingsins haldið áfram.