Sextán ára stelpa í marki íslenska landsliðsins í dag

Cecilía Rán Rúnarsdóttir fær sitt fyrsta tækifæri með A-landsliði kvenna í dag en landsliðsþjálfarinn Jón Þór Hauksson hefur valið hana í byrjunarlið sitt á móti Norður Írlandi í opnunarleik Pinatar æfingamótsins á Spáni.

Cecilía Rán Rúnarsdóttir er aðeins sextán ára en hún heldur ekki upp á sautján ára afmælið sitt fyrr en í lok júlí. Cecilía Rán Rúnarsdóttir varði mark Fylkis í Pepsi Max deild kvenna á síðasta ári og hefur spilað 22 leiki með yngri landsliðum.

Aðrir leikmenn í byrjunarliðinu eru miklir reynsluboltar fyrir kannski utan hina nítján ára gömlu Hlín Eiríksdóttur. Gunnhildur Yrsa Jónsdóttir spilar sem hægri bakvörður í dag en Rakel Hönnudóttir kemur inn á miðjuna fyrir hana.

Hér fyrir neðan má sjá byrjunarlið Íslands í leiknum.

Byrjunarlið Íslands á móti Norður Írlandi:

Cecilía Rán Rúnarsdóttir (Markvörður)

Gunnhildur Yrsa Jónsdóttir

Ingibjörg Sigurðardóttir

Glódís Perla Viggósdóttir

Hallbera Guðný Gísladóttir

Sara Björk Gunnarsdóttir (Fyrirliði)

Dagný Brynjarsdóttir

Rakel Hönnudóttir

Hlín Eiríksdóttir

Fanndís Friðriksdóttir

Elín Metta Jensen