Myndaveisla frá Hlustendaverðlaununum

Hlustendaverðlaunin 2020 voru afhent í Hörpu í gærkvöld og var GDRN valin söngkona ársins og Auður valinn söngvari ársins.

Bylgjan, FM957 og X977 stóðu í sameiningu að Hlustendaverðlaununum en íslenskum útvarpshlustendum og tónlistarunnendum gafst tækifæri að velja og verðlauna íslenskt tónlistarfólk, hljómsveitir og einstaklinga sem sköruðu fram úr í tónlist á síðastliðnu ári.

Plata ársins var KBE kynnir: DÖGUN eftir Herra Hnetusmjör og Huginn en Herra Hnetusmjör var einnig valinn Poppflytjandi ársins. Nýliði ársins var hljómsveitin Séra Bjössi og Rokkflytjandi ársins var hljómsveitin Of Monsters and Men.

Þá fékk Páll Óskar heiðursverðlaun og Emmsjé Gauti og Króli áttu lag ársins.

Hér að neðan má sjá myndaveislu frá verðlaunahátíðinni í gærkvöldi.