Fótbolti

Arnór lagði upp í sigri CSKA

Runólfur Trausti Þórhallsson skrifar
Arnór (t.h.) lagði upp fyrra mark CSKA í dag.
Arnór (t.h.) lagði upp fyrra mark CSKA í dag. VÍSIR/GETTY

CSKA Moskva fékk Tambov í heimsókn í rússnesku úrvalsdeildinni í dag. Lokatölur 2-1 fyrir CSKA þar sem Arnór Sigurðsson lagði upp fyrra mark liðsins. Hörður Björgvin Magnússon hóf hins vegar leikinn á bekknum.

Konstantin Kuchaev kom heimamönnum yfir í dag með marki á 29. mínútu en Arnór lagði upp á Kuchaev. Gestirnir höfðu hins vegar jafnað metin fyrir hálfleik og staðan því 1-1 er liðin gengu til búningsherbergja.

Varamaðurinn Ilia Shkurin kom heimamönnum yfir á 55. mínútu og reyndist það sigurmark leiksins. Arnór fór út af í þann mund sem Hörður Björgvin kom inn á en CSKA gerði tvöfalda skiptingu þegar rúmur klukkutími var liðinn.

Lokatölur 2-1 og CSKA þar af leiðandi með tvo sigra í fyrstu tveimur leikjum tímabilsins. Er liðið sem stendur á toppi deildarinnar með sex stig líkt og Lokomotiv Moskva.

Fótbolti Rússneski boltinn

Tengdar fréttir

Ekkert sumarfrí eftir jákvætt próf: Frekar súrt en skiljanlegt

Nýtt tímabil er hafið hjá landsliðsmönnunum Arnóri Sigurðssyni og Herði Björgvini Magnússyni í rússnesku úrvalsdeildinni, án þess að þeir fengju nokkurt frí eftir síðasta tímabil. Þeir voru settir í einangrun vegna gruns um kórónuveirusmit.

Arnór og Hörður voru einkennalausir

Arnór Sigurðsson og Hörður Björgvin Magnússon, landsliðsmenn í fótbolta, eru nú í einangrun eftir að próf gaf til kynna að þeir gætu verið smitaðir af kórónuveirunni.

Mest lesið


Fleiri fréttir

Sjá meira


×

Mest lesið