Flykkjast til heima­bæjar So­leimani

Gríðarlegur mannfjöldi kom saman í heimabæ Qasems Soleimani, íranska herforingjans sem ráðinn var af dögum í Bagdad í síðustu viku en Soleiman verður í dag jarðaður í heimabæ sínum Kerman í suðausturhluta landsins.

Þúsundir komu saman við útför hans í höfuðborginni Teheran í gær þar sem hótanir í garð Bandaríkjanna um grimmilegar hefndir voru endurteknar.

Soleimani fór fyrir Quds-hersveitum íranska byltingarvarðarins sem tóku þátt í hernaðaraðgerðum Írana fyrir utan landsteinana, meðal annars í Írak og Jemen.