Zlatan er sammála Zlatan

Zlatan Ibrahimović, leikmaður AC Milan, heldur áfram að skjóta á þá spekinga sem telja hann nálgast endurlokin á sínum ferli.

Zlatan birti í gær á Twitter-síðu sinni þar sem var mynd af honum og hann búinn að breyta sér í gamlan mann.

Textinn var svohljóðandi: „Ég gæti spilað á þessu stigi þangað til ég verð fimmtugur,“ er haft eftir Svíanum en hann er verður 39 ára í október.

Hann endurbirti þessa mynd svo á Twitter-síðu sinni í gær og skrifaði þar undir að hann væri sammála Zlatan. Ótrúlegur karakter.

Samningur Zlatan við AC Milan er á enda í lok ágúst en reiknað er með að hann skrifi undir eins árs framlengingu á samningi sínum við félagið.