Framleiðandi Hjartasteins getur ekki orða bundist eftir gagnrýni föður Andri Eysteinsson skrifar 22. júlí 2020 19:52 Anton Máni Svansson, framleiðandi myndarinnar, þakkar hér fyrir sig á alþjóðlegu Molodist kvikmyndahátíðinni í Kænugarði í Úkraínu þar sem Hjartasteinn tók þrenn verðlaun. Mynd/Volodymyr Shuvayev Kvikmyndaframleiðandinn Anton Máni Svansson segist ekki geta orða bundist lengur vegna máls sem hefur fengið nokkra umfjöllun í fjölmiðlum, þar á meðal hér á Vísi. Málið snýr að harðri gagnrýni föðurs á Anton Mána og leikstjórann Guðmund Arnar vegna framkomu við son mannsins sem vonaðist eftir því að leika aðalhlutverk í nýrri kvikmynd Antons og Guðmundar. Faðirinn sagði í Facebook-færslu og seinna í viðtali við Mannlíf að fjórtán ára sonur hans hefði unnið fyrir þá Anton og Guðmund í marga mánuði til þess eins að vera tilkynnt að hann hlyti ekki aðalhlutverkið. Varaði maðurinn, Guðmundur Kárason, við gylliboðum framleiðandanna. Í viðtali við Mannlíf fór hann dýpra í málið og velti því fyrir sér hvort þeir hefðu skilið eftir sviðna jörð víðar. Sagði Guðmundur að mennirnir kæmust alltaf upp með hegðun sína þar sem enginn segði neitt við henni. „Ég hef aldrei kynnst svona hroka eða yfirgangi. Þessir menn eru íslenskri kvikmyndagerð til háborinnar skammar og ég vil vara aðra foreldra við gylliboðum þeirra og loforðum,” sagði Guðmundur í viðtali við Mannlíf. Framleiðandi myndarinnar, Anton Máni, segist finna sig knúinn til að svara umfjölluninni og segir í Facebook-færslu að lýsingarnar af ferlinu endurspegli alls ekki raunveruleikann og séu í raun alvarlegar ærumeiðingar. Anton segir að drengurinn muni fá greitt fyrir sína vinnu og hafi það komið skýrt fram í samtali við föður hans áður en að færsla hans var birt á samfélagsmiðlum. Skýrt hafi verið tekið fram að enginn af leikurunum ungu sem valdir voru í lokaúrtak gætu gengið að hlutverkinu vísu. Guðmundur Kárason, faðir drengsins, sagði í viðtalinu að aðstandendur hefðu flutt verkefnið til Íslands frá Danmörku og líklega skilið eftir unga leikara þar í sárum. Anton segir það ekki rétt. „Engin sviðin jörð var skilin eftir í Danmörku. Verkefnið var á handritsstigi þegar ákveðið var að flytja það til Íslands,“ segir Anton. Ekki hafi heldur verið brotið á vinnutíma né hvíldartíma barna og samningar og launakjör séu í samræmi við önnur verkefni. Þá segir faðir drengsins að hann hafi verið settur á sérstakt mataræði og skikkaður í líkamsrækt. Anton segir að drengirnir hafi verið beðnir um að borða holla fæðu og halda sig frá skyndibita, sælgæti og gosi. Hlutverkið hafi verið að leika strák sem er í afreksflokki í karate og hafi drengurinn því verið settur í grunnþjálfun í samræmi við það. Guðmundur gagnrýndi einnig að sonur hans hafi verið sendur til fjölskylduráðgjafa til sjálfstyrkingar. Í ljós hafi komið að um væri að ræða móður leikstjórans. „Móðir leikstjórans er menntaður fjölskyldumeðferðarfræðingur með margra ára reynslu og sérhæfingu í sjálfstyrkingaraðferðum. Það var skýrt frá byrjun að aðeins væri um að ræða kennslu á einföldum sjálfstyrkingaraðferðum fyrir unga leikarann og foreldrum hans var boðið að vera viðstödd. Ekki kom við sögu nein dáleiðsla eða sálfræði-meðferðarvinna. Um er að ræða fagaðila sem fylgir öllum fagreglum og virðir trúnað milli síns og þeirra sem sækja hennar handleiðslu. Hún hitti einnig leikarana í Hjartasteini, en þau og foreldrar þeirra voru mjög ánægð með hennar framlag, og var hún því talinn besti aðilinn til að leiðbeina nýjum leikurum.“ Sagði í færslu Antons Mána sem lesa má í heild sinni hér að neðan. Bíó og sjónvarp Mest lesið Ástandið ólíðandi í Mjóddinni: „Hvernig upplifun er að mæta á svona salerni?“ Innlent Fordæmir Snorra harðlega og segir hann gamaldags Innlent „Halló kríp, ég er með slæmar fréttir fyrir þig“ Innlent Eftirlýstur náðist á nöglunum Innlent Landhelgisgæslan bíður eftir rússnesku skipi Innlent Geti reynst ógn við öryggi allra barna Innlent Vélmenni hlaðin sprengiefnum rífi niður byggingar Erlent Talíbanar óska eftir aðstoð alþjóðasamfélagsins Erlent „Þetta er skipulag að fjöldabrottflutningum, markaðssett sem þróunaráætlun“ Erlent Fagna breytingunum en hætta ekki að berjast Innlent Fleiri fréttir Aðeins nokkrir eftir hjá PCC á Bakka eftir að þrjátíu til viðbótar var sagt upp „Halló kríp, ég er með slæmar fréttir fyrir þig“ Eftirlýstur náðist á nöglunum Fordæmir Snorra harðlega og segir hann gamaldags Ástandið ólíðandi í Mjóddinni: „Hvernig upplifun er að mæta á svona salerni?“ Fagna breytingunum en hætta ekki að berjast Landhelgisgæslan bíður eftir rússnesku skipi Geti reynst ógn við öryggi allra barna Mikil ánægja hjá ferðamönnum með alla aðstöðu í Skaftafelli Mótmælti nýja kerfinu í fyrra en fagnaði því í dag Stórbætt afkoma öryrkja og „niðurlægjandi“ ástand Mjóddarinnar Lögregla kölluð til vegna slagsmála og hnífaburðar Leit vegna neyðarsendis frestað Falla frá hluta ákæru vegna tunnumótmælanna Nágranni hafði betur og verkstæðið verður ekki endurbyggt Innkalla ferskan kjúkling frá Matfugli vegna gruns um salmonellu Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Sjá meira
Kvikmyndaframleiðandinn Anton Máni Svansson segist ekki geta orða bundist lengur vegna máls sem hefur fengið nokkra umfjöllun í fjölmiðlum, þar á meðal hér á Vísi. Málið snýr að harðri gagnrýni föðurs á Anton Mána og leikstjórann Guðmund Arnar vegna framkomu við son mannsins sem vonaðist eftir því að leika aðalhlutverk í nýrri kvikmynd Antons og Guðmundar. Faðirinn sagði í Facebook-færslu og seinna í viðtali við Mannlíf að fjórtán ára sonur hans hefði unnið fyrir þá Anton og Guðmund í marga mánuði til þess eins að vera tilkynnt að hann hlyti ekki aðalhlutverkið. Varaði maðurinn, Guðmundur Kárason, við gylliboðum framleiðandanna. Í viðtali við Mannlíf fór hann dýpra í málið og velti því fyrir sér hvort þeir hefðu skilið eftir sviðna jörð víðar. Sagði Guðmundur að mennirnir kæmust alltaf upp með hegðun sína þar sem enginn segði neitt við henni. „Ég hef aldrei kynnst svona hroka eða yfirgangi. Þessir menn eru íslenskri kvikmyndagerð til háborinnar skammar og ég vil vara aðra foreldra við gylliboðum þeirra og loforðum,” sagði Guðmundur í viðtali við Mannlíf. Framleiðandi myndarinnar, Anton Máni, segist finna sig knúinn til að svara umfjölluninni og segir í Facebook-færslu að lýsingarnar af ferlinu endurspegli alls ekki raunveruleikann og séu í raun alvarlegar ærumeiðingar. Anton segir að drengurinn muni fá greitt fyrir sína vinnu og hafi það komið skýrt fram í samtali við föður hans áður en að færsla hans var birt á samfélagsmiðlum. Skýrt hafi verið tekið fram að enginn af leikurunum ungu sem valdir voru í lokaúrtak gætu gengið að hlutverkinu vísu. Guðmundur Kárason, faðir drengsins, sagði í viðtalinu að aðstandendur hefðu flutt verkefnið til Íslands frá Danmörku og líklega skilið eftir unga leikara þar í sárum. Anton segir það ekki rétt. „Engin sviðin jörð var skilin eftir í Danmörku. Verkefnið var á handritsstigi þegar ákveðið var að flytja það til Íslands,“ segir Anton. Ekki hafi heldur verið brotið á vinnutíma né hvíldartíma barna og samningar og launakjör séu í samræmi við önnur verkefni. Þá segir faðir drengsins að hann hafi verið settur á sérstakt mataræði og skikkaður í líkamsrækt. Anton segir að drengirnir hafi verið beðnir um að borða holla fæðu og halda sig frá skyndibita, sælgæti og gosi. Hlutverkið hafi verið að leika strák sem er í afreksflokki í karate og hafi drengurinn því verið settur í grunnþjálfun í samræmi við það. Guðmundur gagnrýndi einnig að sonur hans hafi verið sendur til fjölskylduráðgjafa til sjálfstyrkingar. Í ljós hafi komið að um væri að ræða móður leikstjórans. „Móðir leikstjórans er menntaður fjölskyldumeðferðarfræðingur með margra ára reynslu og sérhæfingu í sjálfstyrkingaraðferðum. Það var skýrt frá byrjun að aðeins væri um að ræða kennslu á einföldum sjálfstyrkingaraðferðum fyrir unga leikarann og foreldrum hans var boðið að vera viðstödd. Ekki kom við sögu nein dáleiðsla eða sálfræði-meðferðarvinna. Um er að ræða fagaðila sem fylgir öllum fagreglum og virðir trúnað milli síns og þeirra sem sækja hennar handleiðslu. Hún hitti einnig leikarana í Hjartasteini, en þau og foreldrar þeirra voru mjög ánægð með hennar framlag, og var hún því talinn besti aðilinn til að leiðbeina nýjum leikurum.“ Sagði í færslu Antons Mána sem lesa má í heild sinni hér að neðan.
Bíó og sjónvarp Mest lesið Ástandið ólíðandi í Mjóddinni: „Hvernig upplifun er að mæta á svona salerni?“ Innlent Fordæmir Snorra harðlega og segir hann gamaldags Innlent „Halló kríp, ég er með slæmar fréttir fyrir þig“ Innlent Eftirlýstur náðist á nöglunum Innlent Landhelgisgæslan bíður eftir rússnesku skipi Innlent Geti reynst ógn við öryggi allra barna Innlent Vélmenni hlaðin sprengiefnum rífi niður byggingar Erlent Talíbanar óska eftir aðstoð alþjóðasamfélagsins Erlent „Þetta er skipulag að fjöldabrottflutningum, markaðssett sem þróunaráætlun“ Erlent Fagna breytingunum en hætta ekki að berjast Innlent Fleiri fréttir Aðeins nokkrir eftir hjá PCC á Bakka eftir að þrjátíu til viðbótar var sagt upp „Halló kríp, ég er með slæmar fréttir fyrir þig“ Eftirlýstur náðist á nöglunum Fordæmir Snorra harðlega og segir hann gamaldags Ástandið ólíðandi í Mjóddinni: „Hvernig upplifun er að mæta á svona salerni?“ Fagna breytingunum en hætta ekki að berjast Landhelgisgæslan bíður eftir rússnesku skipi Geti reynst ógn við öryggi allra barna Mikil ánægja hjá ferðamönnum með alla aðstöðu í Skaftafelli Mótmælti nýja kerfinu í fyrra en fagnaði því í dag Stórbætt afkoma öryrkja og „niðurlægjandi“ ástand Mjóddarinnar Lögregla kölluð til vegna slagsmála og hnífaburðar Leit vegna neyðarsendis frestað Falla frá hluta ákæru vegna tunnumótmælanna Nágranni hafði betur og verkstæðið verður ekki endurbyggt Innkalla ferskan kjúkling frá Matfugli vegna gruns um salmonellu Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Sjá meira