Ísak lagði upp tvö mörk í sínum fyrsta byrjunarliðsleik

Hinn 17 ára gamli Ísak Bergmann Jóhannesson var í byrjunarliði Norrköping þegar liðið heimsótti Östersund í sænsku úrvalsdeildinni í fótbolta í dag.

Ísak hefur verið í leikmannahópi Norrköping í öllum fyrstu fjórum leikjum liðsins á tímabilinu en fékk tækifærið í byrjunarliðinu í fyrsta sinn í dag.

Östersund komst yfir eftir rúmlega hálftíma leik en Norrköping tókst að jafna fyrir leikhlé. Heimamenn komust aftur yfir snemma í síðari hálfleik en Christoffer Nyman jafnaði metin fyrir Norrköping á 69.mínútu og á lokamínútu venjulegs leiktíma kom Simon Thern Norrköping í 2-3.

Sead Haksabanovic átti lokaorðið í leiknum og gulltryggði 2-4 sigur Norrköping með marki í uppbótartíma.

Ísak lagði upp annað og þriðja mark Norrköping og spilaði allan leikinn.

Norrköping trónir á toppi deildarinnar eftir fjórar umferðir með fullt hús stiga.