Dagskráin í dag: Grótta mætir Val í fyrsta heimaleiknum í efstu deild og meistararnir taka á móti HK

Það eru leikir í Pepsi Max deild karla, spænska og ítalska boltanum á dagskránni á sportrásum Stöðvar 2 í dag auk þess sem keppni heldur áfram á PGA-mótaröðinni í golfi.

Þrír leikir eru á dagskrá í Pepsi Max-deildinni. KA fær bikarmeistara Víkings R. í heimsókn og hefst bein útsending kl. 13.25, en bæði lið eru í leit að fyrsta sigri sínum í deildinni. Í kjölfarið taka nýliðar Gróttu á móti Val í fyrsta leiknum sem fram fer á Seltjarnarnesi í efstu deild í fótbolta, en liðin töpuðu bæði í fyrstu umferð. Þriðji leikur dagsins er svo viðureign Íslandsmeistara KR og HK.

Tveir leikir eru í beinni útsendingu í spænska boltanum en þar mætast Athletic Bilbao og Real Betis annars vegar, og Atlético Madrid og Real Valladolid hins vegar. Atlético getur með sigri komist upp fyrir Sevilla í 3. sæti deildarinnar.

Keppni heldur áfram á RBC Heritage mótinu á PGA-mótaröðinni í golfi þar sem Webb Simpson er með forystu eftir tvo hringi, á 12 höggum undir pari.

Í ítalska boltanum er einn leikur í beinni útsendingu, þegar Torino og Parma mætast kl. 17.20. Það er sömuleiðis einn leikur í ensku 1. deildinni þar sem Fulham og Brentford eigast við í mikilvægum slag liðanna í 3.-4. sæti, en þau mætast í hádeginu.

Alla dagskrána á sportrásunum má sjá með því að smella hér.