Líka hægt að ferðast innan­lands til Reykja­víkur

Hvert getum við ferðast innanlands í sumar? Þetta er spurning sem margir Íslendingar eru að velta fyrir sér í dag.

Nú er farin af stað herferðin Sumarborgin Reykjavík sem sýnir okkur að við getum ferðast í borginni og upplifað ævintýri.

Vala Matt fór í leiðangur í miðborgina í Íslandi í dag á Stöð 2og ræddi við þær Björgu Jónsdóttur og Línu Þórarinsdóttur sem sögðu henni frá ævintýralegum hlutum sem borgin býður uppá í sumar.

Svo fór Vala í sælkeraleiðangur og skoðaði nokkra veitingastaði sem bjóða uppá spennandi sælkerarétti sem má njóta saman á stefnumótum eða í vinahópum.

Byrjaði að vinna á veitingarstað fjórtán ára

Þar ræddi hún við athafnakonuna Bergdísi Örlygsdóttur sem hefur alveg slegið í gegn ásamt manni sínum Bento á nokkrum af vinsælustu veitingastöðum borgarinnar. En Bergdís kynntist veitinga og athafnamanninum Bento hér á landi fyrir 23 árum og þau urðu ástfangin og þau hafa síðan verið saman og unnið saman meira og minna allan sólarhringinn og búið til ævintýri í veitingageiranum, meðal annars á Apótekinu.

Vala hitti einnig kokkinn unga Erlu Þóru Bergmann Pálmadóttur á veitingastaðnum Fjallkonunni, en hún byrjaði 14 ára að vinna á veitingastað og vissi strax að það starf var hennar ástríða og nú galdrar hún fram ævintýralega rétti sem gaman er að prófa.