Stjórnendur morgunþáttarins Í bítið hófu þáttinn í morgun á því að færa áhorfendum þá sorgarfrétt að hinn ástsæli fréttamaður Gissur Sigurðsson væri látinn. Þeir Gunnlaugur Helgason og Heimir Karlsson minntust síðan langs samstarfs þeirra við Gissur í morgunútvarpinu á Bylgunni.
„Hann sagði í raun miklu meira en bara fréttir. Hann sagði sögur,“ sagði Gunnlaugur.
„Hann færði fréttamennskuna svolítið upp á annað stig. Einstakur maður, hann Gissur. Bráðfyndinn, bráðskarpur,“ sagði Heimir.
Sjá nánar hér:
Sú frétt Vísis í haust að Gissur Sigurðsson væri búinn að stofna Facebook-aðgang vakti athygli.
Sjá hér: Gissur mættur á Facebook
„Segja má að síðasta vígið sé fallið hvað varðar Íslendinga og Facebook nú þegar Gissur Sigurðsson hefur skráð sig til leiks á samfélagsmiðilinn og tímaþjófinn,“ sagði í fréttinni.
„Nú er ég kominn á facebook gott fólk! Hlakka til að vera samferða ykkur,“ sagði Gissur í ávarpi sínu á samfélagsmiðlinum.
Sagan af því hvernig það kom til að Gissur fór á Facebook var sögð hér Í bítið:
