Gullmoli dagsins: Leikdagur með Guðmundi Hreiðarssyni

Strákarnir í Sportinu í dag krydduðu upp á nýjum lið í þætti dagsins þar sem þeir byrjuðu með liðinn Gullmoli dagsins.

Á tímum kórónuveirunnar hefur beinum útsendingum fækkað svo um munar og því hafa margir verið að skoða gamlar klippur.

Ein þeirra dúkkaði upp í safni Stöðvar 2 og Henry Birgir Gunnarsson brá því á það ráð að koma með einn gullmola á dag í Sportinu í dag.

„Þegar þú byrjar einhverja svona vegferð þá byrjarðu með látum,“ sagði Henry áður en myndbandið var sýnt.

Í myndbandinu er fyrrum landsliðsmarkverðinum  Guðmundi Hreiðarssyni fylgt á eftir fyrir leik gegn ÍBV en Heimir Karlsson fygdi Guðmundi vel á eftir. Bæði í vinnunni og heima fyrir.

Sjón er sögu ríkari en þetta stórkostlega innslag má sjá hér að neðan.