Brady skoraði á Lamar í kapphlaup

Hægasti leikstjórnandi NFL-deildarinnar, Tom Brady, var léttur er hann horfði á leik Baltimore og NY Jets síðustu nótt þar sem fljótasti leikstjórnandi deildarinnar, Lamar Jackson, var í stuði.

Jackson fór mikinn og bætti met Michael Vick yfir flesta hlaupajarda leikstjórnanda á einu tímabili. Það sem meira er þá eru enn tveir leikir eftir af tímabilinu.

Brady hefur aðeins hlaupið 1.035 jarda á öllum ferlinum sem er minna Lamar hefur hlaupið bara í vetur.

Þessi áskorun Brady er augljóslega lauflétt grín hjá húmoristanum annálaða en hann stingur upp á því að spretturinn fari fram á grasi og Lamar verði á hjólaskautum.