Fram­lengingin: Hvaða lið er mest háð sinni stjörnu og er að hitna undir þjálfara kvenna­liðs Kefla­víkur?

Framlengingin var á sínum stað í Dominos Körfuboltakvöldi á föstudagskvöldið þar sem spekingarnir ásamt stjórnendanum Kjartani Atla Kjartanssyni ræddu hin ýmsu málefni.

Umræðuefnin þessa vikuna voru meðal annars hvaða lið væri besta varnarlið deildarinnar og hvaða stjarna væri mikilvægust fyrir sitt lið.

„Eins og þeir (Keflavík) voru í kvöld þá myndi ég halda að þeir mættu ekki missa Milka því þeir voru ofboðslega flatir og hugmyndasnauðir. Þeir voru litlir í sér,“ sagði Hermann Hauksson.

„Ég er ósammála því að ef KR myndi missa Craion þá myndu þeir standa sig betur en Keflavík gerði í kvöld,“ sagði Jón Halldór Eðvaldsson. Er eitthvað lið háðara sinni stjörnu en Keflavík er háð Milka?

„Nei. Ég myndi ekki segja það. Ekki eftir þennan leik.“

Einnig var farið yfir hvort að hitna væri undir þjálfara kvennaliðs Keflavíkur en hann var einmitt í settinu.

Sjón er sögu ríkari en innslagið má sjá hér að ofan.