Tesla kynnir pallbíl

Elon Musk, framkvæmdastjóri bandaríksa rafbílaframleiðandas Tesla hefur sagt að pallbíll verði kynntur 21. nóvember næstkomandi. Pallbíllinn hefur fengið vinnuheitið Cybertruck.

Musk sagði á Twitter að bíllinn yrði kynntur á viðburði skammt frá höfuðstöðvum Space X í Los Angeles 21. nóvember næstkomandi. Musk vísaði til kvikmyndarinnar Blade Runner (þeirrar upprunalegu) og sagði að dagsetningin væri kunnuleg. Á þessum tíma fer einnig fram bílasýning í Los Angeles. Timasetningin er því sennilega engin tilviljun.

Cybertruck unveil on Nov 21 in LA near SpaceX rocket factory

— Elon Musk (@elonmusk) November 6, 2019

Lítið er þó vitað um pallbílinn. Musk hefu haldið því fram að hann verði svipaður að stærð og Ford F-150, muni kosta minna en 6.220.000 krónur (50.000 dollara) og verði betri en allir keppinautar sínir.

Þegar kemur að hönnun er Cybertruck pallbíllinn ekkert eins og þær myndir sem sést hafa á Internetinu að sögn Musk.

Pallbílar eru mest seldu bílarnir í Norður-Ameríku. Það gæti því verið stór markaður fyrir rafpallbíla sem lítið hefur verið sinnt hingað til. Ford seldi meira en 900.000 F-pallbíla á síðasta ári. Sem gerir þá að mest seldu bílum Bandaríkjanna á síðast ári. Ford ætlar sér að setja rafdrifna útgáfu af F-150 á markað fyrir 2022.