Verður Moussa Dembele samherji Gylfa eða lærisveinn Solskjær?

Manchester United og Everton munu berjast um framherja Lyon, Moussa Dembele, en The Guardian greinir frá þessu um helgina.

Dembele, sem gekk í raðir Lyon síðasta sumar frá Celtic, hefur skorað sex mörk í frönsku úrvalsdeildinni það sem af er leiktíð.

Everton og Man. United eru talin á eftir framherjanum en hann er 23 ára gamall Frakki. Þau eru talin horfa til hans í janúar en báðum liðum vantar markaskorara.

Football transfer rumours: Lyon's Moussa Dembélé to Manchester United? https://t.co/lM0j01C8EU

— The Guardian (@guardian) October 17, 2019

Man. United gerði 1-1 jafntefli við Liverpool á sunnudag en Everton 2-0 vann sigur á West Ham á laugardaginn.