Fögnuðu marki sem var ekki mark og á sama tíma skoruðu mót­herjarnir | Mynd­band

Það dró til tíðinda í leik Hajduk Split og Slaven Koprivnica í króatísku úrvalsdeildinni í knattspyrnu í gær.

Split var 1-0 yfir í hálfleik en á 73. mínútu héldu gestirnir að Slaven að þeir hefðu jafnað metin eftir markmannsmistök heimaliðsins.

Boltinn fór hins vegar í stöngina og á meðan leikmenn Slaven fögnuðu markinu brunuðu Hajduk-menn upp í sókn.

Incredible moment in Croatia!

Slaven Koprivnica players think the ball has crossed the line and celebrate... Hajduk Split counter-attack and score pic.twitter.com/OrkB8hnoCh

— Amazon Prime Video Sport (@primevideosport) October 27, 2019

Markvörður gestaliðsins var kominn út að hliðarlínu til að fagna markinu og voru Hajduk menn því þrír gegn einum varnarmanni Slaven.

Þeim brást ekki bogalistinn og Josip Juranovic skoraði í autt markið en eftir sigurinn er Hajduk á toppi deildarinnar.

Slaven er á botninum með tíu stig en atvikið stór undarlega má sjá hér að ofan.