Eftir fimm leikvikur í NFL-deildinni er búið að reka fyrsta þjálfarann. Það var Jay Gruden sem fékk sparkið frá Washington Redskins.
Redskins steinlá gegn New England Patriots í gær og hefur tapað öllum fimm leikjum sínum á leiktíðinni. Það er versta byrjun félagsins frá árinu 2001.
Gruden var boðaður á fund með eiganda og forseta félagsins eldsnemma í morgun þar sem honum var sagt upp störfum.
Eftir leikinn í gær grunaði þjálfarann eðlilega að hann yrði rekinn. Hann sagði samt að hann myndi halda áfram ef hann kæmist enn inn á skrifstofuna sína í fyrramálið. Það gat hann ekki gert.
Hann hafði verið þjálfari liðsins frá árinu 2014. Bróðir hans, Jon, þjálfar lið Oakland Raiders.
Keflavík
Stjarnan
