West Ham setur stuðningsmann í lífstíðarbann

West Ham hefur stuðningsmann í lífstíðarbann frá leikjum félagsins eftir að myndband frá síðustu leiktíð lak á samfélagsmiðla á mánudag.

Myndbandið vakti mikla athygli á mánudaginn en það er frá síðustu leiktíð. Úrvalsdeildarfélagið kallaði myndbandið „ógeðslegt“ og hefur sett stuðningsmanninn í lífstíðarbann frá heimavelli félagsins.

Last night the club was made aware of a disgusting video of a West Ham fan making racist remarks at a match early last season. Today, the club handed evidence to the police and banned an individual for life from our stadium. No place for it at our club. https://t.co/nKI7q69EAE

— West Ham United (@WestHam) September 24, 2019

Kick It Out, samtökin sem berjast gegn rasisma, hefur hrósað West Ham fyrir flott vinnubrögð og segja að skilaboðin séu skýr hvað varðar rasisma.

West Ham vann 2-0 sigur á Manchester United um helgina og er liðið í fimmta sæti deildarinnar með ellefu stig í fyrstu sex leikjunum.