Íslenski landsliðsmaðurinn Kolbeinn Sigþórsson þurfti að sætta sig við bekkjarsetu í sænsku úrvalsdeildinni í fótbolta í dag þegar AIK heimsótti Hacken.
Liðsfélagar Kolbeins náðu að vinna 1-2 sigur þar sem Sebastian Larsson gerði sigurmarkið með marki úr vítaspyrnu. Sænsk/Íslenski bakvörðurinn Óskar Sverrisson sat allan tímann á varamannabekk Hacken.
Kolbeinn og félagar tróna á toppi Allsvenskan með 49 stig, tveimur stigum meira en Djurgarden sem eiga þó leik til góða.
Aron Jóhannsson var í byrjunarliði Hammarby gegn Gautaborg en fór meiddur af velli eftir aðeins 10 mínútna leik. Það kom ekki að sök fyrir Hammarby sem vann 6-2 sigur.
Markalaust hjá StartÍ norsku B-deildinni náðu lærisveinar Jóhannesar Harðarsonar í Start ekki að saxa á topplið Álasund þegar liðið heimsótti Strömmen.
Aron Sigurðarson lék allan leikinn í liði Start en leiknum lauk með markalausu jafntefli.
Kolbeinn ónotaður varamaður þegar AIK skaust á toppinn
Arnar Geir Halldórsson skrifar

Mest lesið




Ærandi þögn þegar Elías Ingi lenti í lyftu með Skagamönnum
Íslenski boltinn

Faðir Arnars og Bjarka fékk nóg og hótaði að berja George Kirby
Íslenski boltinn


Arne Slot: Við vorum ekki heppnir, reglan er svona
Enski boltinn

Skoraði fyrir látinn litla bróður sinn
Enski boltinn

