Ótrúleg tilþrif en heppinn að stórslasa sig ekki | Myndband

Hafnaboltakappinn Joc Pederson hjá LA Dodgers átti ein af tilþrifum ársins í MLB-deildinni síðustu nótt en hann lagði allt undir og mátti litlu muna að illa færi.

Pederson var þá að reyna að bjarga því að Colorado Rockies náði heimahafnarhlaupi. Hann hljóp á fullu gasi að veggnum, rétti hendina yfir vegginn og tók í leiðinni á sig mjög þungt högg í magann.

This is one of the most painful home run robberies I’ve seen this year. Holy cow, Joc Pederson. pic.twitter.com/iNcMCbQAkJ

— Fabian Ardaya (@FabianArdaya) September 3, 2019

Á einhvern ótrúlegan hátt náði hann að grípa boltann en lá svo sárþjáður á vellinum enda höggið mikið.

Maginn á honum var illa farinn eftir höggið en hann hefur verið frekar fljótur að ná sér og er aðeins marinn á rifbeinum en ekkert er brotið.

„Vindurinn fór alveg úr mér og ég fékk mikla krampa. Læknarnir höfðu smá áhyggjur en þetta er allt að koma,“ sagði Pederson brattur.