Fótbolti

Fjórða fraumraunin sem Lukaku skorar í er Inter fór létt með Lecce

Lukaku fagnar marki í kvöld.
Lukaku fagnar marki í kvöld. vísir/getty
Inter Milan byrjar ítölsku úrvalsdeildina á 4-0 sigri á nýliðunum í Lecce. Þetta var fyrsti leikur félagsins undir stjórn Antonio Conte.

Það var fljótlega ljóst í hvað stefndi en Marcelo Brozovic kom Inter yfir á 21. mínútu og þremur mínútum síðar tvöfaldaði Stefanio Sensi forystuna.

Þannig stóðu leikar í hálfleik og eftir klukkutímaleik skoraði Romelu Lukaku er hann fylgdi á eftir föstu skoti.

Þetta var fyrsta mark Lukaku fyrir Inter síðan hann kom frá Man. Utd en hann hefur skorað í fyrsta leik sínum með þeim fjórum félögum sem hann hefur leikið með.

Fjórða og síðasta markið skoraði Antonio Candreva sex mínútum fyrir leikslok. Lokatölur 4-0 og góð byrjun Inter undir stjórn Conte.













Ítalski boltinn

Mest lesið


Fleiri fréttir

Sjá meira


×

Mest lesið