Hnúðlaxar veiðst víða í sumar

Hnúðlaxar hafa verið að veiðast víða í sumar og í mun meira magni en áður svo það er uggur í veiðimönnum gagnvart þessum fréttum.

Áhrif vaxandi göngu hnúðlax eru þó óþekkt en það er jafnvel talið að hann berjist um hrygningarsvæði við aðra laxfiska af mikilli hörku og skaði því hrygningu annara tegunda. Því var lengi haldið fram að hnúðlax gengi ekki ofarlega í árnar en dæmin sanna annað þar á meðal veiði á hnúðlöxum í Soginu. Veiðimenn eru sem fyrr beðnir um að drepa alla hnúðlaxa sem þeir veiða á senda á Veiðimálastofnun, annað hvort fiskinn heilfrosinn eða hreistursýni. 

Listinn yfir árnar sem hnúðlaxar hafa veiðst í er orðinn langur og gæti lengst ennþá þar sem það er vel þekkt að hann getur verið að ganga í árnar fram á haust. Árnar eru Grímsá, Hvítá í Borgarfirði, Straumfjarðará, Deildará, Eyjafjarðará, Hafralónsá, Sog, Ölfusá, Miklavatn í Fljótum, Norðurá, Selá í Vopnafirði, Blanda, Sandá, Laxá í Aðaldal, Þjórsá,, Fögruhlíðará, Breiðdalsá og Bjarnarfjarðará.