Pogba segist hafa gaman af lífinu í Manchester en framtíðin sé „stórt spurningarmerki“

Paul Pogba, miðjumaður Manchester United, var kátur í bragði eftir að þeir rauðklæddu rúlluðu yfir Chelsea í stórleik fyrstu umferðarinnar í enska boltanum.

Pogba hefur þrálátlega verið orðaður burt frá Manchester United í sumar frá því að hann sagði í viðtali í byrjun sumars að hann væri leita eftir nýjum áskorunum.

Hann var hins vegar í byrjunarliðinu í gær en United hafði hafnað tilboði frá Real Madrid upp á litlar 27 milljónir punda auk James Rodriguez.

Not all good news for #MUFC....

— Sky Sports Premier League (@SkySportsPL) August 12, 2019

„Mér líður alltaf þegar vel ég spila fótbolta. Ég er að gera það sem ég elska og þetta er vinnan mín. Ég mun gefa allt mitt á meðan ég er á vellinum,“ sagði Pogba áður en hann tæklaði félagaskiptaumræðuna.

„Við vitum að það hefur mikið verið sagt en tíminn einn mun leiða það í ljós. Þetta er enn stórt spurningarmerki.“

Heimsmeistarinn segist þó glaður í Manchester.

„Ég er í Manchester og er að njóta með liðsfélögum mínum. Ég vil alltaf vinna leiki og mun gefa allt mitt meðan ég er á vellinum,“ sagði Pogba.