Manchester City braut sömu reglur og Chelsea en slapp við félagaskiptabann

Manchester City slapp við félagaskiptabann en fékk dágóða sekt eftir að hafa brotið reglur FIFA um félagaskipti leikmanna yngri en átján ára.

Tveir leikmenn frá akademíu í Gana, George Davies og Dominic Oduro, sögðu í samtali við Jyllands-Posten í Danmörku á síðasta ári að þeir hefðu skrifað undir og spilað fyrir City áður en þeir urðu 18 ára.

Ensku meistararnir fengu sekt upp á 370 þúsund franka, sem jafngildir 315 þúsund pundum, en í 19. reglu FIFA segir að leikmaður verði að vera átján ára sé hann keyptur á milli landa.

Manchester City escaped a transfer ban but were fined for breaching Fifa's rules on under-18 signings.

Read: https://t.co/etbfonVGnZ#bbcfootballpic.twitter.com/WOjSUZd78x

— BBC Sport (@BBCSport) August 14, 2019

Á síðasta ári var Chelsea úrskurðað í félagaskiptabann fyrir brot á sömu reglur en Chelsea mátti ekki kaupa leikmenn í næstu tveimur félagaskiptagluggum auk þess að fá sekt upp á 460 þúsund pund.

Chelsea áfrýjaði þeim úrskurði reyndar og er það enn í ferli en Chelsea gat ekki keypt í sumar og standi úrskurðurinn geta þeir heldur ekki keypt leikmenn í janúar. Stálheppnir City-menn.