Fótbolti

PSG setur sturlaðan verðmiða á Neymar

Anton Ingi Leifsson skrifar
Neymar.
Neymar. vísir/getty
PSG er ekkert að grínast með verðmiðann á brasilísku stórstjörnunna, Neymar, en franski fjölmiðillinn L'Equipe segir frá þessu á vef sínum.

Neymar hefur verið orðaður mikið burt frá frönsku meisturunum í sumar en hans gamla félag, Barcelona, er talið hafa borið víurnar í framherjann fyrr í sumar.

PSG borgaði 200 milljónir punda fyrir Neymar er hann gekk í raðir félagsins í ágústmánuði 2017 en eftir tvö ár í Frakklandi finnst honum komið nóg.





L'Equipe greinir frá því að PSG vilji ekki selja Neymar ódýrt en franska félagið er talið vilja fá 300 milljónir evra, 273 milljónir punda, fyrir Neymar.

Brasilíumaðurinn er með samning við PSG til 2022 sem gefur PSG mikið andrými í viðræðunum við Barcelona.

Franski boltinn Spænski boltinn

Mest lesið


Fleiri fréttir

Sjá meira


×

Mest lesið