Guðmundur Ágúst kom, sá og sigraði á Nesinu

Guðmundur Ágúst Kristjánsson, úr Golfklúbbi Reykjavíkur, sigraði í Einvíginu á Nesinu sem fram fór í dag við góðar aðstæður á Nesvellinum.

Um var að ræða árlegt góðgerðarmót þar sem að safnað er fé til Barnaspítala Hringsins en í alls söfnuðust 750 þúsund krónur í ár.

Eins og undanfarin ár voru flestir af sterkustu kylfingum Íslands mættir að taka þátt en fjölmargir áhorfendur fylgdust með spennandi baráttunni.

Keppnisfyrirkomulagið var með þeim hætti að tíu keppendur hófu leik á 1. braut á Nesvellinum og sá sem var á lakasta skorinu féll úr leik.

Þannig hélt keppnin áfram þar til að Guðmundur Ágúst Kristjánsson og Birgir Leifur Hafþórsson, GKG, kepptu um sigurinn.

Lokastaðan:

1. Guðmundur Ágúst Kristjánsson, GR

2. Birgir Leifur Hafþórsson, GKG

3. Nökkvi Gunnarsson, NK

4. Björgvin Sigurbergsson, GK

5. Axel Bóasson, GK

6. Ólafía Þórunn Kristinsdóttir, GR

7. Haraldur Franklín Magnús, GR

8. Ólafur Björn Loftsson, GKG

9. Guðrún Brá Björgvinsdóttir, GK

10. Ragnhildur Sigurðardóttir, GR