Tottenham kaupir Sessegnon

Tottenham hefur gengið frá kaupunum á Ryan Sessegnon frá Fulham.

B-deildarliðið fékk 25 milljónir punda og Josh Onomah fyrir Sessegnon. Kaupverðið gæti þó hækkað upp í 30 milljónir punda.

Sessegnon skrifaði undir fimm ára samning við Tottenham með möguleika á árs framlengingu.

Þrátt fyrir að vera aðeins 19 ára hefur Sessegnon leikið 120 leiki fyrir Fulham og skorað 25 mörk. Hann getur leikið sem vinstri bakvörður og kantmaður.

Sessegnon lék 35 leiki fyrir Fulham í ensku úrvalsdeildinni á síðasta tímabili.