Mark og stoðsending frá Jóhanni Berg er Burnley burstaði Patrick Viera og lærisveina

Jóhann Berg Guðmundsson var í byrjunarliði Burnley sem rúllaði yfir franska liðið Nice í æfingarleik á heimavelli sínum í dag en lokatölur urðu 6-1 stórsigur enska liðsins.

Framherjinn Chris Wood hefur verið sjóðandi heitur á undirbúningstímabilinu og hélt uppteknum hætti en hann kom Burnley yfir á 2. mínútu. Sex mínútum síðar tvöfaldaði hann forystuna eftir stoðsendingu Jóhanns.

Varnarmaðurinn Ben Mee skoraði þriðja markið og á 33. mínútu var röðin komin að íslenska vængmanninum sem skoraði fjórða markið. 4-0 fyrir þá ensku í hálfleik.

34 - It’s four! Jóhann Berg Gudmundsson finds the bottom corner to finish off a flowing move . 4-0

— Burnley FC (@BurnleyOfficial) July 30, 2019

Chris Wood fullkomnaði þrennuna á 61. mínútu áður en Allan Saint-Maximin minnkaði muninn fyrir Nice. Jay Rodriguez skoraði sjötta og síðasta markið tíu mínútum fyrir leikslok og lokatölur 6-1.

Burnley leikur sinn síðasta æfingarleik á laugardaginn er þeir mæta Parma og svo hefst enska úrvalsdeildin helgina á eftir. Fyrsti leikur Burnley í deildinni er gegn Southampton á heimavelli.

PIC: Nice to see you! Sean Dyche welcomes ⁦@ogcnice_eng⁩ manager Patrick Vieira pic.twitter.com/FUW8mgAIeZ

— Burnley FC (@BurnleyOfficial) July 30, 2019