Hólmbert og Aron Elís á skotskónum er Álasund sló út Molde

Hólmbert Aron Friðjónsson og Aron Elís Þrándarson voru báðir á skotskónum er Álasund vann 4-0 stórsigur á stórliði Molde í norska bikarnum.

Álasund er því komið í 32-liða úrslit keppninnar en Hólmbert kom Álasund yfir á fjórtándu mínútu og tvöfaldaði forystuna tveimur mínútum síðar.

16' MÅÅÅÅÅÅÅÅÅÅÅÅÅÅÅL!!!!! To minutter, to mål! AaFK tar en kort corner, får den tilbake og smeller til. Craninx redder, men returen setter Fridjonsson inn. 2-0 på Color Line Stadion etter 16 minutter!!!!!! #aafk#sunnmøresstolthet

Aalesund 2 - 0 Molde

— AaFK - Aalesunds FK (@AalesundsFK) June 19, 2019

Þriðja markið skoraði Sondre Brunstad Fet á 55. mínútu og fjórða markið skoraði Víkingurinn Aron Elís Þrándarson þremur mínútum síðar.

Algjörir yfirburðir Álasund sem leikur í norsku B-deildinni á meðan Molde er á toppi norsku úrvalsdeildarinnar.

Daníel Leó Grétarsson, Davíð Kristján Ólafsson, Aron Elís Þrándarson og Hólmbert Aron Friðjónsson byrjuðu allir inn á hjá Álasund.