Sérfræðingarnir velja sumardrykkinn í ár

Fyrst var það Cosmopolitan, þá Moscow mule og nú drekka allir Aperol spritz. Hver er sumardrykkurinn 2019?

Þrír öflugir drykkjumenn fóru yfir málin í Íslandi í dag á föstudaginn og brögðuðu þeir á nokkrum kokteilum en um var að ræða þá Audda Blö, Rikka G og Fannar Sveinsson Hraðfréttaritara.

Saman eru þeir að undirbúa skemmtiþátt sem verður á Stöð 2 í ágúst.

Þáttur Audda og Rikka gengur út á það að Rikki G er að fara í fyrsta sinn til Bandaríkjanna og munu þeir ferðast um landið. Rikki mun fara til sex borga og kynnar sér þær vel.

Fannar Sveinsson og Benedikt Valsson eru að vinna þætti sem fjalla um Íslendinga sem gera það gott á sínu sviði. Þar ferðast þeir um Evrópu og elta viðmælandann en meðal gesta eru Katrín Jakobsdóttir, Magnús Scheving og fleiri. Fannar auglýsti reyndar eftir því að fá Björgólf Thor, Björk Guðmundsdóttur og meðlimi Of Monsters And Men í þáttinn.

Hér að neðan má sjá innslagið í heild sinni.