Fótbolti

Þetta segja ensku landsliðskonurnar um þjálfarann sinn Phil Neville

Óskar Ófeigur Jónsson skrifar
Phil Neville á hliðarlínunni sem þjálfari enska landsliðsins.
Phil Neville á hliðarlínunni sem þjálfari enska landsliðsins. Getty/Nathan Stirk
Phil Neville er í fyrsta sinn á leiðinni með enska kvennalandsliðið á stórmót en fram undan er heimsmeistaramótið í Frakklandi.

Enska landsliðið náði þriðja sætinu á síðasta heimsmeistaramóti sem fór fram í Kanada 2015.

Phil Neville, setti fótboltaskóna sína upp á hilluna árið 2013 eftir að hafa spilað með Manchester United og Everton. Hann tók við enska kvennalandsliðinu árið 2018.

Ensku stelpurnar hafa unnið 10 af 17 leikjum undir hans stjórn og aðeins tapað þremur.

Phil Neville er búinn að velja 23 leikmenn í hópinn sinn og breska ríkisútvarpið fékk nokkar þeirra til að lýsa landsliðsþjálfaranum og má sjá það hér fyrir neðan.





Enska landsliðið er í riðli með Skotlandi, Argentínu og Japan og er fyrsti leikur liðsins á móti Skotlandi 9. júní. Leikurinn fer fram á Allianzz Riviera leikvanginum í Nice eða þeim sama og íslenska karlalandsliðið sló það enska út úr sextán liða úrslitunum á EM 2016.

HM 2019 í Frakklandi

Mest lesið


Fleiri fréttir

Sjá meira


×

Mest lesið