Sjáðu sigurmark Daníels á Selfossi

Daníel Þór Ingason skoraði ótrúlegt sigurmark á lokasekúndunum í leik Selfoss og Hauka í Hleðsluhöllinni í Iðu í úrslitaeinvíginu um Íslandsmeistaratitilinn í handbolta karla.

Haukar áttu aukakast úti við hliðarlínu þegar tíminn var við það að renna út og staðan jöfn. Heimir Óli Heimisson tók aukakastið hratt, sendi beint á Daníel sem skaut strax á markið fyrir miðju og söng boltinn í netinu.

Haukar fóru því með 27-26 sigur, jöfnuðu einvígið í 1-1 og tóku heimaleikjaréttinn aftur.

Þetta ótrúlega mark má sjá hér.