Urriðaveiðin í þjóðgarðinum hefst í dag

Sú langþráða stund veiðimanna að komast í þjóðgarðinn á Þingvöllum rennur upp í dag en þá hófst veiði formlega á því svæði.

Vorið byrjar á Þingvöllum á urriðaveiði því fyrir utan Þorsteinsvík er ekki mikið af bleikju komin upp að landgrunninu svo veiðimenn sem eru á ferli fyrstu dagana og vikurnar í þjóðgarðinum eru þar komnir til að freysta þess að setja í stóra urriða. Ekkert eitt svæði er betra en annað í þessum efnum en veiðimenn hafa í gegnum árin veitt fiska frá Lambhaga vestan megin og að Nautatanga. Það getur fundist urriði alls staðar þar á milli. Urriðinn fer víða í ætisleit og það þarf þess vegna góðann slurk af þolinmæði til að leita af honum í þjóðgarðinum og yfirleitt nokkrar ferðir en það er vel þess virði. Þjóðgarðurinn er hluti af Veiðikortinu.