Hafnaboltaleik hætt um stund þar sem ernir voru að slást um fisk | Myndband

Áhorfendur á háskólaleik í hafnabolta um helgina fengu meira fyrir peninginn en þeir áttu upprunalega von á.

Seint í leiknum voru nefnilega tveir ernir að slást um fisk sem síðan lenti á vellinum í öllum látum.

Það var gjóður sem hafði nælt í fiskinn en var hundeltur af skallaerni sem vildi fá bráðina. Gjóðurinn gaf eftir og sleppti fiskinum.

A moment to be marked in baseball history forever!

An Osprey with a fish in his claws, was threatened by a pursuing bald eagle, causing the osprey to drop the fish behind second base. The fish was recovered by a Dolphin and removed from the field.pic.twitter.com/KF1F5N3GBV

— NCAA Baseball (@NCAACWS) February 24, 2019

Gera varð hlé á leiknum með fisknum á vellinum enda sveimaði skallaörninn yfir og var að gera sig líklegan til þess að ná í fiskinn.

Í stað þess að leyfa honum að fá fiskinn þá kom einhver leiðinlegur liðsstjóri inn á völlinn, pakkaði fiskinum inn í handklæði og hljóp með hann af velli.

Örninn varð því að finna kvöldmatinn annars staðar þennan daginn.