Ramsey ætlar ekki að fara í janúar

Aaron Ramsey er meira en til í að klára samning sinn við Arsenal sem rennur út næsta sumar.

Eðlilega hefur mikið verið rætt um hvort hann fari frá félaginu nú í janúar fyrst hann er að verða samningslaus. Arsenal dró samningstilboð sitt til leikmannsins til baka í september. Sú staða hefur ekkert breyst.

Alls konar orðrómar eru um áhuga annarra félaga á leikmanninum og meðal annars sagt að bæði Juventus og Bayern hafi áhuga á honum. Þau félög sem hafa áhuga mega hefja samningsviðræður við hann núna.

Persónulega mun Ramsey fá betri samning næsta sumar og því ekkert óeðlilegt við að hann vilji klára tímabilið með Arsenal.